即場造句

尋日Be 放學後

心情麻麻

發咗陣皮四

後尾自己鬼拍後尾枕

行埋嚟道歉

然後講出心中話

原來佢上中文堂時被同學取笑

Be 喺堂上被老師㸃名即場造句

題目：雖然。。。但是。。。

Be ：雖然張老師對我們很惡，但是她有時對我們很好。

老師話佢作錯

同學大笑

(所以佢好唔開心)

於是

Be 重作

Be  ：雖然張老師很努力地教導我們讀書，但是我們仍然目不識丁。

老師當場七孔出煙。。。(Be 講的)

同學繼續大笑

但Be 好開心

因為Be 好滿意呢句重作句子!!

*** *** ***

講到呢度

又到我同佢說教嘅時候

首先唔好介意同學點笑你.... (下前刪百字...)

你而家明白俾人笑有幾難堪係咪? (下前刪百字...)

Be : 知道... (下前刪數十字...)

所以

如果下次有同學/朋友做錯/唔識一啲嘢

你仲會唔會大大聲笑人?? (下前刪百字...)

Be : 唔會... (下前刪數十字...)