大時代

1992年10月5日

踩完通宵單車

回大圍時

被個 low B 精

攔腰炒埋嚟

人向後翻

為防撞後腦

側身卸力

最終膊頭首先落地...

即時聽到... 啪! 

心知... 領嘢!

左邊膊... 十級痛

半邊身唔郁得

*** *** ***

但好眼瞓...

所以返屋企大覺瞓先

瞓到晚上七點半自然醒

一開電視

畫面出現呢個開場

校鬧鐘都無咁準

睇完開場十分鐘

決定坐定定睇埋佢...

(睇完, 嗱嗱林碌去睇跌打... 原本左膊尖裂骨(裂成吋半長... )

完場後

愛上了

之後8星期

星期一至五擔櫈仔坐定定

瘋狂愛上方展博 

(孖仔孖心肝時已經好鍾意佢)

方進新、玲姐、丁蟹、龍紀文、陳萬賢、陳滔滔、葉天、龍成邦、邦濟哥、華姐、賤婆、方芳、方敏 

(個個都好戲, 其實阮梅都好, 不過我鍾意龍紀文多啲, 佢夠癲!)

仲有一個唔好戲, 但都鍾意 - 丁孝蟹 (型吖嘛...)

好記得丁蟹捉方婷企上木箱上教訓佢講 :

做人要多角度去睇...

真係好諷刺!

真係好愛呢套戲!