2015暑期日程

今年暑假

可以話有70% Be 話事!

佢有份參與嘅日程

有時充實

有時大腦大放假

星期一最忙... 朝早要上3小時+下午1小時學術班

星期二 ~ 下午1小時學術班

星期三 ~ 下午1小時學術班 + 畫畫

星期四 ~ 冰球

星期五 ~ 游泳

星期六 ~ 冰球

其餘時間 ~ 

早上喺婆婆屋企煮早餐 (真係開火煮)/ 做暑期作業/ 同婆婆去買餸

下午其餘時間係同我去買餸/ 書局打書釘/ 踏單車/ 喺屋企做下功課/ 玩手工剪剪貼貼

無無聊聊又半日

最新剪貼玩意

一時掛喺冷氣機

一時掛喺風扇

一時掛喺電視

*** *** ***

逢星期五朝早就大近視

打仗一樣...

去邊?

去麥當當囉...

換 minions 公仔

見佢平時唔多換公仔

今次佢要求要換

就同佢癲吓啦!!

第一個星期

我哋星期六去食仲換到

第二個星期五下午去食... 已經換晒... Be 即時謝晒... 無晒心機...

我都無晒心機... 我最鍾意嗰隻... wuwu...

所以跟住嗰幾個星期五

晨早起床去食早餐...

返學唔見佢咁神心...

今日係最後一個星期啦!! yeah!!

柳暗花明又一村...

上星期有朋友話幫我睇下仲有無多一隻我換唔到的

終於佢幫我搵到 ~ 我的至愛了...

紅圈中嘅御林步操軍 (真係好靚仔)

yeah!!