我有一對... ...

今朝 Be 起咗身之後

自己出廳搞搞震 (我聽到... )

到十一點佢入房睇我瞓醒未? 

(其實醒咗好耐... 但唔願郁之嘛...)

跟住佢瞓喺我隔離同我傾偈

Be : Miffy (我個新名... ,,,) 我 ... ... (下刪百字... ...)

我 : 頭先你喺度做咩??

Be : 無嘢做呀! 喺度坐, 等你囉... ... (語氣有啲心虛... ...)

我 : 坐?!... 😏 做咩講大話?? 你明明係玩緊!!!

Be : 吓... (真慌張樣) Miffy... 你點知架... ... 你明明瞓繄覺... ...

我 : 嘿嘿...  你知唔知你媽咪我... 對眼係會見到啲人哋見唔到嘅嘢架??

Be : 吓...  (假驚慌樣)... Miffy... 你睇到人哋見唔到嘅嘢架??

我 : 係呀! 

Be : (瞪眼)Miffy... 唔你通... 有陰陽眼??

我 : 吓 ... 陰陽眼 ... 

Be : 係呀! 你話你會見到啲人哋見唔到嘅嘢架嘛! 咪陰陽眼囉! 唔係陰陽眼係咩??

(真係... 一山還有一山高...  ... 佩服...)