舊地重遊

小時家住西環

西環、上環、中環上學

呢十二年甩咗唔少腳毛喺路上

十年前陀Be 時

血糖測試有一次擇界

加上老豆, 嫲嫲, 姑姐們都係糖尿一族...

我一定係高危...

所以耐不耐我都會驗血糖

食清啲

近日搵返當年生Be 贊育封血糖測試報告

睇返... 原來可以繼續喺贊育做血糖測試 (當時湊Be 湊到癲咗, 未有細看內容)

即刻掛號... ...

而家... 搭地鐵好快... (但生態環境已被破壞... ...)

出口轉左...

我喺呢度出世

陀 Be 喺度做產檢 

我最怕嘅糖水...

空肚飲完... 不停反胃... 

抽兩次血... 

飲糖水前抽一次

飲糖水呆等兩小時後抽一次

姑娘手勢好到不得了!!

 做完血糖測試

叫咗老表出嚟短聚

食我老豆至愛嘅胡椒豬肚湯底粉 (去海味街必食)

食完粉同老表逛咗一陣就分手

我一人漫遊西營盤至上環

沿住中學時代上學路徑

重遊舊地

雖然桃花非依舊，面目已全非⋯⋯ 

但我仍然好享受喺我的回憶中～

～～我的快樂時代～～

交通黑點... 奪命長命斜

中秋燈籠聖地

國嘉醫院 

方展博細個學師舖頭

細個睇私家醫生嘅地方

已清拆...  

醫生養咗好多小動物 ~ 兔仔、鸚鵡、金魚... ...

沿途一路左捐、右捐 (細路嗰時又係左捐、右捐... keke)

同學住呢邊 

而家番新咗靚仔晒

以前勁舊勁陰森... ...

  

馳名嘅卜公公園 

醫學博物館~ 超靚仔... ... 眼到我心心眼... ... 

四方街... 變晒... ... 舊式棺材舖變... 西式鬼佬風格~~

游咗兩個幾鐘

慢慢行... 慢慢欣賞...

好開心、好滿足