十八年後。。。做番條好漢

喺好耐。。。好耐以前。。。

我有過捐血習慣。。。

但唔知點解中途中斷咗。。。

近呢幾年好想再捐返

但每次都擦身而過。。。

做唔到。。。

今日Ｂｅ考試早放學

同佢有機會見到流動捐血站

於是一股作氣。。。　捐血吧！！

雖然Ｂｅ只係陪我。。。　但佢極興奮。。。

太耐無捐過血。。。

心情有啲啲緊張

驗血紅素時。。。

男護一吱我隻手指

噴到成枱都係血。。。

我哋三人忍唔住小叫咗一聲。。。

阿男護都話篤咁耐手指第一次見咁多血。。。

我離枱時佢要抺枱。。。消毒。。。

然後見護士

一查之下。。。　原來停咗十八年。。。

估唔到十八年後。。。先做番條好漢

護士安慰我之前有１１次都算唔錯

叫我努力

以後繼續做

嗯！我會！

到插針喉時。。。　真係啲緊張架。。。

今次輕鬆啲３５０ｍｌ

（其實好鬼尷尬。。。瞓底先至知大鑊。。。個站設喺商場大堂中間，左右兩邊有扶手電梯

上落。。。二樓同扶手電梯上啲人眼仔碌碌望住你兼食花生。。。）

十幾分鐘搞掂～～

希望可以保持呢個習慣。。。

Ｂｅ長大後會有呢個意識

期待兩母子一齊捐血的日子～～