Be 嘅中學生活幾稱心如意
學校校風幾好
當然都有吵鬧
都有一兩次嚴重事件 ~ 動武
校方會衡量有無報警需要
當有大事件發生後
校方處理事件手法好好
校長會喺早會或午會
同同學講返整件事件同埋校方如何處理
同埋提醒同學要引此為鑑
手法光明磊落, 坦蕩蕩
我好鍾意
*** *** ***
老師大多數好好耐性
好有心
會留意學生平時行為品行
校方同老師為鼓勵同學上堂投入參與
會設有賞罰制度
由開學起不停利誘啲同學仔上堂答問題
答中有獎品
獎品方面會有不同的文具
*** *** ***
例如測驗丶考試後
會公佈每科頭五名名單
令同學仔有自信心
再派發校內用的買書現金券或小食部現金券俾同學仔做獎勵
又會舉辦一啲活動小比賽
好下圖的早會排隊比賽😆😆
好搞笑
罰方面都有架
校方亦會安排將功抵過嘅安排
令學生保持積極改過態度
正向、包容
所以Be返學返得好開心
老師對Be的評價都好好
積極參與、投入課堂活動
樂於助人同幫助老師打理班會工作
佢仲係助理班長
令到Be 搵返失去咗6年的自我價值
當然佢都係有壞習慣
例如：懶惰、欠交功課帶丶欠帶課本、甩甩漏漏
老師會罰佢
不過都會苦口婆心勸導佢
老師有無心教
家長會時一定睇得到
Be兩位班主任可以講出佢嘅優丶缺點
我好感恩Be可以喺呢間中學渡過佢人生一個重要階段
有時候家人丶朋友問我有無後悔Be無上原校中學
我秒速答：真係一啲都無後悔呀！
😆😆😆
