大個仔 (二)

Be 由細到大 (小一前)

Be 日間都係由姐姐, 公公, 婆婆湊大

1歲前Be 在公公, 婆婆家時

大部份時間都係喺床仔

佢係一個唔扭嘅BB (癡mamemo 筋除外)

可能由胎兒期時我已經晚晚同佢傾偈

話佢知因為公公, 婆婆年年老同行動不便

所以姐姐不能全天候服侍佢一個

加上實際環境都有限制

所以佢真係好乖

佢一歲識行之後

同公公, 婆婆去公園時

佢會自己行前

公公, 婆婆行後

行兩步回頭望兩老

又會

公公拖婆婆

Be 拖公公行

真係好乖...

到而家婆婆仍然好自豪咁同老友記講呢個外孫係我湊大!!

*** *** ***

近三個月

婆婆跟一位醫師養生

日日去醫館做健身

風雨不改

復活節姐姐病咗兩日

婆婆又好想去

第一日我同Chiu 爸有事做

Be 願意陪婆婆做健身

我同Chiu 爸送佢兩婆孫去醫館

然後同Be講如果我哋趕到返嚟

佢同婆婆坐的士返屋企

最後佢完成任務! 😆😆

第二日

我同Chiu 爸返工

姐姐未好返

Be 再一次帶婆婆去醫館

今次係推輪椅同婆婆坐巴去

婆婆話佢好夠力

婆婆坐地做機

做完無力起身

Be 主動問婆婆

然後雙手放婆婆腋下一二三起😏😏

婆婆就安全起咗身 (婆婆話我知)

做完機兩婆孫去食下午茶

然坐巴士返屋企~~

Be再一次完成任務!!

婆婆都好滿意!! 哈哈!!😁😁