小Be入院記 ~ 第三天

小Be 喺尋晚一覺瞓天光, 懶理其他環迴立體聲喊聲.  醫生巡病房時 (11點), 幫小Be檢查完之後, 發現佢嘅燒退咗好多同淋巴腺都好咗啲, 所以醫生決定批准小Be 出院, yeah!! 我即刻打電話話俾爸爸知, 仲叫佢唔使到醫院, 我自己同佢返屋企.  但返到屋企我發現小Be 對小眼睛好紅... ... 點解呢?? 唯有聽朝去睇醫生啦... ...

出院 lu, yeah!!!

GoGoGo!!

小Be入院記 ~ 第二天

今日係小Be入院嘅第二日, 佢嘅情況有啲好轉, 不過仲係發燒同淋巴腺發炎.  喺病房入面任何人都唔可以周圍走, 只可以喺自己張床嘅範圍活動, 小Be都算乖, 肯留喺床度玩.  今日本來係小Be同謙謙表哥聯辦嘅生日會, 原本喺下午5點舉行, 我哋仲向醫生申請放假半日去生日會, 但醫生話小Be仲發燒, 所以拒絕我哋嘅申請.....

小Be 喺1點幾就瞓著咗, 我同爸爸急急腳去咗Grace姨媽屋企沖番個涼同傾吓偈, 到3點幾返到病房, 小Be已經醒咗, 仲好乖咁瞓喺床度睇電視, 姑娘話佢好乖, 瞓到中途醒咗喊, 佢哋陪小Be同佢玩一陣佢就唔喊, 後尾仲瞓著咗tim.  佢下午茶食咗一條粟米+提子.

近黃昏開始, 小Be忍唔住啦! 開始想周圍走, 但姑娘唔準, 唯有扭計啦! 喺我身上鑽來鑽去, 玩到我 dun dun 轉... ... 由於隔離床啲BB嘅超級喊聲, 小Be成10 點先瞓得著 ... ... 好彩佢一旦瞓著, 點嘈都唔醒仲一覺瞓天光tim !!

媽咪mo, 等我擺番個pose先影啦!

Dun dun 轉, 菊花園, 炒米餅... ...

仲有咩可以做呢?!!!成日流流長... ... 唉!!!!

唯有試下眠一眠啦... ...

鳴... 鳴... 放我出去呀... 鳴... 鳴... 媽咪mo... ...

小Be入院記 ~ 第一天

小Be由15日(星期二)晚起發燒，喺16日(星期三)晚我哋發現佢左邊頸生咗塊硬硬哋嘅野，圓周有乒乓波咁大，於是即刻去睇醫生，但何醫生當日放假，唯有睇當值醫生，醫生話佢似係淋巴腺發炎，所以要食抗生素．

但到咗今日小Be仍然持續發燒，朝早仲嘔黃膽水tim，粒乒乓波無細反大，於是我哋去見何醫生，何醫生話小Be好嚴重，要寫紙入院接受治療，

我同爸爸帶小Be去佢出世嘅醫院 ~ 瑪麗醫院，去到急症室登記後，好快有得睇醫生，醫生話要照X-ray同入院，當爸爸帶小Be去照X-ray時，聽到小Be大叫媽咪mo，爸爸mo，"驚驚" 同 "我好驚驚" + 大喊，我個心當堂"實晒"，好唔開心!!  

過咗十幾分鐘後，小Be終於出返嚟，即刻攬住我叫媽咪mo，驚驚同大喊． 到上病房，仲要檢查同抽口腔分泌物，鼻水（抽到流晒血）同 "vv"，最後一環係～抽血，由五位姑娘捉住小Be＋五花大綁．．．小Be超級驚恐＋狂喊叫媽咪mo，但我只可以企喺房外等＋心痛．．．

有位清潔嬸嬸勸籲我同爸爸去食個tea，因為可以聽唔到小Be嘅求救聲，二來可以食飽啲，有排都無得食．於是我同爸爸turbo腳去canteen．後尾返到病房，小Be已經抽完血，仲好乖無喊同醫生玩緊．然後我留守陪佢，爸爸就返屋企攞日用品．其間小Be不停咁問”爸爸嚟呀？”到８點幾爸爸返嚟買飯我食，小Be爸爸玩．到９點小Be飲完支奶奶就覺覺豬．真乖乖!!

入院前一晚的大頸 look

鐵窗... 呀唔係... 係鐵床生涯原是... 悶!!!

澳門遊 ~ 第二天

昏睡咗一晚，小Be 同婆婆瞓到9點起身， 我就同佢兩位 (一老一幼)去canteen 食早餐, 期間小Be 同表哥, 姨媽, 大姑婆玩到 "ca ca ca"...．到集齊人出發後要去龍華飲茶，我哋行去巴士站時落大雨．．．非常lea hea，點到落車時仲大雨．好彩有啲老表幫我照顧婆婆，如果唔係真係lea hea 到暈．表哥無雨褸，我將小Be 件雨褸借俾佢，我自制一件俾小Be著，但最後表哥都唔使著．飲完茶等雨停，我哋去咗林則除館，再去禮記食雪榚，然後去消防博物館．最後去六棉食晚飯．搭９點船返香港．旅程完畢！！

媽咪mo 幫我做嘅臨時雨褸．．．點解唔俾我著自己件靚靚麵包超人嘅．．．鳴．．．（材料：背心袋一個）

哥哥錫一下先！

跳番舞先～～　啦啦啦！！

爸爸我要食雪糕，快啲！

嘩！好多好多 Be Bu 車呀！

澳門遊 ~ 第一天

今日我哋一家三口連婆婆同大姑婆一家, 一行20人浩浩蕩蕩咁去澳門遊2日. 朝早10點鐘去咗醫院探公公先, 然後去接婆婆跟住去港澳碼頭會合大姑婆一家, 當的士東隊時我 突然諗起我唔見咗個袋, 袋入面有熙熙同我嘅証件同銀包..... 烏龍的我漏底咗個袋喺醫院, 於是由公公交個袋俾另一個的士司機送去港澳碼頭俾我, 真係唔該晒!! 

上船後小be暈船浪, 嘔到我成身都係..... 我同佢都要換衫, 佢最後頂唔順瞓咗. 去到威尼斯人酒店, 行咗個圈, 發現無咩特別又人多, 跟住就返酒店check-in, 然後去行街食嘢.  小be 仲夾親隻左手中指, 流晒血......

行程如下 : 豬扒飽+咖哩牛腩麵 -> 行官也街買手信+食甜品 -> 莎利文 -> 行市政廳前地 + 大三巴 -> 義順甜品 -> 返酒店幫小be沖涼同瞓覺 -> 再去 Wynns 同新莆京 -> 食牛腩麵 (宵夜) -> 返酒店瞓覺

婆婆, 點解有架飛機喺馬路嘅??!! 

手拖手,做個好朋友! (備註: 謙謙表哥係 BB Mo 最愛的表表哥) 

威尼斯人大合照 .... 不過齊齊哥哥瞓咗!!

表哥, 姨媽們 ~~ yeah!!

大姑婆+一眾表哥

大姨媽, 謙謙表哥, 拖實我呀!!

一家三口合照 + Pat 姨媽扮的 "鬼影" ..... 驚驚呀...... 

同爸爸mo的合照 ... ...

說話篇

由日本返嚟之後, 小Be好似開著咗部引擎咁, 咩都講, 最近識講好多嘢, 同唱歌.

7月6日或之前識講 ~ 聖火 (奧運), 麥當奴 (以前係講奴奴), 豈有此理 (跟廣告), 快活 (大快活), 他他 (維他奶), 藥藥好味道喎, 唔該借借, 私家車, 識叫老師, 靚靚, 開門, 關門, mimi (叫姐姐), 食糖糖, 無車喎, 契爺, 契媽, 唔要, 下次見, 你好嗎? 趺咗, 無車, 等埋呀... ...

識唱 ~ 1. dun dun 轉, 菊花園, 炒米餅, 糯米慈 ... ...

          2. 點蟲蟲, 蟲蟲飛, ... ...

          3. 婆婆鄉下兒歌 (我唔識繹番廣東話) ... ...

          4. 豈有此理 ~ 廣告歌

戒片進度 ~ 戒片進行中, 日常家裹活動 (不包括外出) 不著片, 但差不多每日都有失手, 在睡眠時間要著片. 大大時, 會有表達, 但會失手

取N1校服

尋日朝早去新學校攞校服同四處玩吓, 等小Be習慣吓新學校, 跟住去咗小青姨媽屋企hea吓.  下午同契爺, 契媽去睇屋, 夜晚去咗老坑打邊爐, 契爺, 契媽仲送我哋返屋企 tim!

校服 LOOK

學校有好多車車架!!