回憶K~~

今晚，難得小龍回港

我哋四姉妹都"拋夫棄佬(子)"

約咗出嚟唱K

重温我們的黃金快樂年代(年輕時的我)！

由陳百強 (我幾歲嗰時已經識唱佢啲歌...), 校長, 哥哥, 學友, Alex To, Sandy 唱到 "年少無知"

勁歌金曲由幾歲唱到而家，哇哈哈！

一唱唱咗五個鐘~~

懷念年少輕狂的我~~

今晚只欠，一個"堅"，有埋你, 就全歸位啦！

多得呢三位姊妹多年沿途相伴~~ 感激! 感恩!!

校外課堂

回帶返1月10日星期四, ah Be 班會去香港動植物公園上校外課堂.  早喺上年11月, 學校已經發通告俾家長, 誠徵家長義工幫手喺呢堂維持秩序.  ah Be 要求我做家長義工, 佢話我可以同佢一齊上堂, 佢會好開心~~ 我都覺得要珍惜佢仲好癡我嘅時間, 所以我就請假一天陪佢.

當日啲小朋友都好乖同好聽話, 唔百厭, 只係鍾意跑同埋傾偈 (我哋大人都鍾意傾偈啦! 更何況佢哋只係6歲人仔呢~~~)  仲有... 仲有... 班小男孩keep 住一路跑一路跳 Gangnam Style 囉...  (ah Be 未喺屋企睇過條片... 但都識識地跳...... 好驚嚇囉...)  相反班小女孩 (唔多過10個) 真係定好多, 好淡定架!! (更顯得班男孩子... low B...)

原來動植物公園係有一個教育中心, 仲安排咗有一位導賞員喺中心內嘅課室講解何謂哺乳類動物/ 爬行類動物.  然後帶小朋友去睇動物, 邊行邊講解.  仲會有問答遊戲, 令每一位小朋友都要聽書同埋有小禮物 (就係右下角嘅小動物手指套嘞! 可惜烏龍Be 回校後即日已經唔見咗...) ~~

一班小朋友上校外課堂上得好開心~~ 極度興奮~~ 回程時各人不停討論哺乳類動物/ 爬行類動物嘅分別~~  真係一個好開心嘅學習~~

今次做完家長義工之後, 感覺都好 OK. 可以知多啲 ah Be 嘅校園生活, 可以瞭解多啲.  啲家長都好好人呀!! 大家都好客氣, 又唔使勉強搵野講.  我鍾意呀~~ 

給波仔的便條....

親愛的波仔,

我和 ah Be 已經有三個多月沒有見到你返嚟吃飯, 很掛念你.  我哋問過姨姨有無見到你?  姨姨都話已經好耐無見你了.  請問各下去咗邊到遊歷呢?? 你失蹤咁耐, 好歹都現身報個平安啦!! 雖然我同姨姨都打定輸數 ... 你唔會再返嚟... 報個夢都好吖...

見字速報到 (夢)

謝謝!!

掛念你的
mamemo & Be 上

六合彩對話... 回憶起兒時的我...

今日喺公司同老媽傾完電話之後, 老媽無收線... 俾我聽到以下婆孫對話 :

婆婆 : ｢咦! 我要去買六合彩喎!｣

外孫 : ｢阿婆, 你對咗六合彩未呀? 中唔中呀?? ｣

婆婆 : ｢對咗啦!唔中呀!｣

外孫 : ｢吓! 又唔中... ｣

婆婆 : ｢不如你幫我揀幾個號碼?? 可能會中架喎!｣

外孫 : ｢好吖, 我揀俾你吖...  阿婆, 我使唔使 hip 埋眼諗住揀俾你呀??｣

婆婆 : ｢你鍾意啦! 行嘞! 行嘞!!｣

外孫 : ｢好吖, 我哋快啲返屋企揀囉...｣

在另一邊電話的我 -> 

*** *** *** *** *** ***

呢兩婆孫好可愛, 一時糖癡豆, 一時又水溝油!!!

有時咩都講一大爛餐, 但有時又面左左... (通常都係臭Be 激到婆婆生蝦咁跳囉!!)

雖然佢哋兩個係講緊一啲大人唔會同小朋友講嘅話題 (甚至係大忌...)

但我覺得好好笑!!

令我諗返起,

我細個嗰時, 我同嫲嫲都有類似嘅對話...

都係嫲嫲叫我貼六合彩號碼...

我又係好興奮咁同嫲嫲講我要咩號碼~~

我嗰時仲有多一樣任務~~

就係~~ 填飛仔嘞~~ 

** 我記得細個嗰時, 嫲嫲一叫我講六合彩號碼時, 我老媽都會黑臉... 佢覺得有教壞細路之隒... 點解三十年之後後嘅老媽... 又會教壞我個仔架呢??  真係每個人喺唔同情況有唔同嘅標準~~ 我 ok 佢教壞ah Be 架~~ keke

回想起, 我的童年回憶/ 閱歷一定比ah Be 豐富+開心~~

所以, 我希望ah Be 的童年回憶/ 閱歷比這一代的小朋友更豐盛+開心~~

親子剪髮

口號 : 親子剪髮，喊打喊殺！

一 開始時, 大家都笑騎騎~~

去到中段, 阿仔覺得似磨菇，喪喊...

都未髮完, 都唔知佢喊咩鬼!!

阿媽強調係碎剪，無可能似磨菇。

阿仔沖完涼，冷靜過後，

望清楚話 : ｢媽咪, 都ok喎~~｣

笑返晒~~  

其實, 我手勢都ok 吖~~

講到底... 係你個頭形似一粒磨菇/ 蟹蓋...

啲朋友話搞咩鬼要咁辛苦同佢親子剪髮?? 俾錢出去剪啦!!

又有人話, 佢咁大個仲自己剪?? 佢有要求啦!! 咪搞到佢俾人笑啦!!!

我想喺度澄清一下:

鬼唔知媽媽係女人....

1. 我唔係慳錢... 我係有苦衷嘅... (解釋見下段...)
2. 我不嬲對佢嘅外型都有要求, 唔會亂嚟~~

苦衷 :
佢由細到大, 都係由一間上海髮型屋啲伯伯幫佢理髮
但係早兩個月, 上海髮型屋已經易手... 啲伯伯退晒休...
我呢位Be 生唔肯隨便交個頭俾人剪...
所以一路都搵唔到佢啱佢心水嘅師傅...

其實 ah Be 仲有位後備伯伯幫佢剪髮
伯伯係喺婆婆家樓下公園幫人剪髮糊口嘅
伯伯始終年級較大 (約80歲), 剪得無咁靚
但ah Be 都肯俾佢剪
因為佢知道, 如果俾伯伯剪髮
伯伯就可以賺到錢, 可以幫助到伯伯
所以佢好樂意俾呢位伯伯理髮
但伯伯係喺朝早開檔
中午前收檔
ah Be 依家好難搵到佢理髮
唯有放新年假先搵伯伯啦~~

所以呢排佢成日叫我幫佢修一修啲髮腳囉~~

唔係佢要求我幫佢理髮

我都唔想同佢親呢個子呀~~

虎媽親子剪髮回憶錄

話說四年幾前嘅某一朝早

我悶悶地, 手痕痕

捉咗ah Be 入厠所

同佢剪咗呢個靚髮

識我嘅人都知我湊ah Be 湊得好粗

唔會好"就" 住佢

去到邊, 食到邊 (返大陸除外...)

只要無危及生命嘅事 (其實我湊佢至係最危險嘅事~~)

我都唔介意俾佢試多啲唔同嘅野

入返正題~~

喺剪到耳仔邊時

ah Be 好驚, 係咁縮 (佢好驚聽啲怪聲架...)

突然之間, 佢 "哎呀" 咗一聲

我捉住佢望清楚... 檢查一下

無事喎! 跟住繼續剪...

終於剪完嘞!!!  同佢梳返靚仔樣

望吓 o 唔 ok 先~~

一望...  咦... 點解佢右邊耳仔頂有啲嘢嘅?? 

哦... 原來係... 一滴血...

原來頭先... 我剪到佢隻耳仔呀~~~

我呢位虎媽真烏龍... 好彩我有個刻苦嘅囝囝

真係天作之合啦~~ 

*** *** *** *** *** ***

仲記唔記得 ah Be 兩歲零時呢個 look 呀??

咪就係我同佢親子剪(耳) 髮嘅髮型囉~~

我覺得好得意架~~ 

其實原本可以剪得靚啲架

喺剪前額時...

有一下, ah Be 突然大郁咗一下....

弊傢伙... 剪崩咗...

唯有將前額剪短啲啦...

講真, 我又覺得呢個短髮 look 好得意, 好搞笑

*** *** *** *** *** ***

兩歲零舊相回顧~~ (嗰陣時, ah Be 真係好快樂, 無憂無慮架~~ 我好懷念~~~)

超鍾意佢呢張相~~ 小時嘅么果眼係我最愛~~

小貓の背影~~

題 : 小貓の背影~~ (自己作嘅)

喺FB見到有朋友 post

覺得佢好靚

所以 copy 過嚟作收藏一用

純粹欣賞

*** 佢嘅背影真係好 ~~ 靚~~ ***