上星期一, 易老師急call 通知我, 有人急讓 yamaha 二手琴. 經易老師上門睇過實物, 琴琴本身都幾好, 開價算 ok, 抵買!! 再經易老師還價, 比開價平多13%!! 成交!!! 上星期六即刻送嚟我哋屋企 (唔係我心急呀!! 係賣家趕送佢走咋).
琴琴都幾大座, 諗到頭都爆... 唔知放喺邊到好... 最後... 放喺走廊... 真失禮...
點解買琴琴?? 因為我想學琴, 加上我都安排小Be 學琴. 如果學琴, 我哋又無咩時間同佢去琴行練琴, 就等如無用. 所以我就決定平平哋買個二手琴, 方便學同練嘛... 易老師會11月正式教我哋兩母子!! 好期待呢日嘅出現呀!!!
沒有留言:
張貼留言