自小Be 升上 K2 之後, 對我 mamemo 都有好大影響架... 真係日日趕到甩轆... 我最大嘅轉變係 ~ 每一日都要趕19:30 嘅校巴出城, 再轉地鐵返屋企!! 盡量喺21:00 前帶小Be 返到屋企!! 返到屋企之後, 咋咋淋開書包, 睇睇是日功課係乜東東... 然後 turbo 腳做功課... 做完再溫習一啲生字. 要喺22:00 飲奶、刷洗, 然後覺覺豬!!
唔知點解... 而家啲教育制度咁奇怪... 只係著重功課嘅數量... 而唔係著重質素... 對小朋友同家長嚟講... 真係好吃力!!! 小朋友嘅得著係食 ｢填鴨｣... 只係死記課本內容, 都未識消化, 又要原文嘔番出嚟... 真係唔知教統局同局長搞乜東東??? 而家嘅教育制度仲衰過我以前讀書嗰時...
好彩嘅係... 小Be 唔係讀什麼名校... 每日只有一樣功課, 循序漸進, 又淺入深. 所以勉強都接得住... 如果每日有幾樣嘅話... 我真係要辭職歸家跟功課... (我都話我係一個懶惰嘅媽咪架啦!!! 做多少少就嘈喧巴閉!!
)
)
小Be 暫時都 ok 做功課, 如果隻字寫得肉酸啲, 佢都會主動要求擦咗個字再寫過. 希望佢 keep 住呢個自動自覺嘅態度啦!! 
沒有留言:
張貼留言