大冬瓜跌落床

小Be 由細到大, 人生三件事 ~ 食、瞓、拉都非常之好, 完全無問題 (touch wood...)!! 特別係瞓覺, 每每入睡後, 佢會進入忘我境界!!!

例子一 : BB 時, 喺姨媽家中, 小Be 可以睡在麻雀枱旁瞓晏覺, 約一個半鐘頭 (各姨婆同公公牌照打!!)

例子二 : 上年(2010)年廿八零晨三點零, 超爸居然喺入睡中嘅小Be 隔離揼+電批上書架同櫃!!! 但小Be 仍然係瞓到扯鼻鼾!! 真係有少少佩服佢!!

昨晚小Be 又發生爛瞓事件!! 就係 ~ 大冬瓜跌落床!!! 話說昨晚我陪小Be 喺我張床到覺覺豬 (我瞓前先移動佢去佢自己張床!!). 佢瞓著咗之後, 我出咗廳睇電視.  睇咗一陣, 我聽到 boom 一聲!!! 有巨物跌咗落地呀 !!

咋咋淋入房一睇...

OMG!!! 點解呢個小朋友跌落地都唔醒架!! 我唯有抱起佢左檢查、右檢查, 捽捽佢個頭邊問哩度痛唔痛、嗰度痛唔痛, 佢只係迷迷糊糊答我唔痛就無再理我嘞!! 

到今朝我同佢講番件事, 佢堅稱係佢自己爬落床! 唔係爛瞓跌落床!!! 真係一個要臉子的人!!!