上年因公事無出席小Be K1親子體操表演... 真係內疚咗成年!!! 今年死都要出席!! 我去到學校禮堂時,高年班已經開始表演. 搵咗小Be 好耐都見唔到佢, 急到我死...
直至廣播宣佈小Be班~K2X準備表演, 我先搵到個位坐定定. 到小Be班出場, 各人企定, 我先搵到佢咋!! 好彩佢嘅企位好近我個坐位!! 小Be 表演初期都四圍望搵我, 到我叫佢, 佢先專心繼續表演!! 下面嗰幾張相, 係親子跳舞時影嘅.
小Be 話佢手上嘅拉拉花好難拎上手, 只可以用三隻手指夾住個拉拉花.
佢知我到場睇佢表演, 佢真係好開心呀!! 不停笑!!
一表演完, 老師立即收起拉拉花, 到放學時至放入書包攞番屋企
沒有留言:
張貼留言