尾指指環

喺十零廿歲時, 同表姐+朋友去澳門玩兼摸骨~~

已經唔記得師父叫咩名...

嗰時呢位師父好出名,

已經係半收山狀態,

唔係熟人介紹, 佢係唔會幫你摸骨算命嘅...

佢只要輕輕掃啲手指骨同手臂+膊頭...

就可以講出你一生嘅概況...

我嘅一生... 已經唔係好記得...

只係記得佢講過我兩件事...

一.  將來係一個大肥婆...  (嗰時我係一個中等身材嘅女仔...) 都幾準喎...

二.  將來有三個仔女, 一有仔女就要喺尾指戴戒子...
   原因 : 仔女一定會破相, 如果尾指戴戒子就會避免仔女破相... (有三個咁多...??)

*** *** *** *** *** *** *** *** ***

若干年之後, 有一位大批師父幫我起咗個命盤... 佢講我嘅命運... 都有95% 以上準確 (出世到今日)

算出其中兩樣... 又係話我有三個仔女 + 仔女一定會破相

如果要避免仔女破相, 就要尾指戴戒子...

好邪呀... 

兩位高人不約而同都講同一樣嘢...

我唔係道人迷信呀... 

我係寧可信其有, 不可信其無...

破相喺塊臉...

真係可大可小...

唔怪之得 ah Be 細個嗰時... 成日俾蚊針塊臉啦...

如果戴咗都破... 我無話可說

但如果無戴而又可破咗... 我起碼會內疚...

我唔想後悔...

呢隻戒子, 早幾年因為要戴尾子而買

但大咗少少, 一路都修改唔到 / 搵唔另一隻代替佢...

所以斷斷續續咁"就住"戴...

最近, 有位同事幫我搵人修改,

嘩!! 啱啱好呀~~ fit 晒~~~

我好鍾意呢隻戒子架, 我鍾意佢好清~~