出試卷

估唔到... 我都有今日啦~~~

居然為ah Be 考試要出試卷俾佢做...

仲要出文字題俾佢做

(唔知點解... 而家小一啲數學有80%+係文字題... )

今個星期踏入考試週

我哋兩母子做咗 "拼命三郎"

 

喪做練習...

隻衰嘢唔係唔識... 答啲題目

而係超級大意...

好多 careless mistakes....

一份卷可以扣十幾廿分大意分...

我真係想死...

*** *** *** *** *** ***
頭先同佢做數學練習

發現佢對文字題嘅"數數題"同埋"比較題"有啲亂

所以要做一份卷佢再練習一下...

佢個衰人唔可以重複俾佢做同一份卷

因為佢會記答案架!!

真係佢精我都唔苯

我會修改內容俾佢做...

佢成日攞住改咗嘅卷向我投訴...

Be 投訴問 : 媽咪, 點解啲問題唔同咗嘅?? 我咪寫唔返啲答案囉....

我 : 我就係要你重新做過, 唔可以寫舊答案!!!!!

(仔, 媽媽就係想你用腦... 之嘛...)