2013年10月3日 星期四

腦退化症

Be 越嚟越識好多嘢, 攞口仲越大越衰...

尋晚, 無記嘅節目~東拉西扯講腦退化症

開場白係咁嘅 : 無記性?? 唔好以為好小事, 分分鐘係腦退化症嘅先兆... ... ...

喺呢個時候

有一個好似八婆仔嘅細路

由厠所走出嚟... 

碌大對眼O住個嘴、縮起個膊, 指住我話 : , 原來你有腦退化症呀!! 唔使驚, 我會照顧你架!!!

我當刻真係想...  當無生個呢個仔呀!!!!!!!!!

點解... 佢讀書時 IQ 零蛋... 非讀書時 IQ 200 ????!!! 汗

*** *** *** *** *** ***

有日

有個細路喋喋不休、不停發問同一條問題

令我抖唔到氣...

我忍唔住答佢 : 「我都話係xxxxxxx 囉!!!

Be : 「媽媽, 做咩囉聲?? 唔好句句都加個囉字得唔得?? 」 ←_←'

我 : 「okok... 下次唔加囉字囉!!! emotion

** (近呢兩個月, Be 叫我 」... 仲要係好輕聲、好溫柔嗰種...)

*** *** *** *** *** ***

有日我洗完頭

未有索乾水、梳好就出咗廳

Be 拖返我入厠所

示意我坐好

然後同毛巾同我抺頭

跟住頭再吹頭

佢嘅動作就好似佢小時候

我同佢沖完涼

幫佢抺頭、身、吹頭咁

好搞笑嘻嘻

而家仲有無幫佢沖涼??

無啦!! 今年起佢已經自己沖涼

大個仔啦嘛~~

(我唔係嗰啲唔捨不放手嘅家長...)

6 則留言:

  1. 上天真係好錫我囉,唔想我俾人激到扎扎跳囉,所以唔俾個老公我囉唔駛生兒育女囉,哈哈哈哈哈哈哈哈…

    唉,一啖糖囉又一啖屁囉,享受嘛? 囉囉囉囉囉… :^O^:

    回覆刪除
    回覆
    1. 做咩囉囉聲?? 唔好句句都加個囉字得唔得??
      wakakaka

      刪除