不速之客

最近三個星期

我家厨房出現一位不速之客...

次次都嚇到我死...

第一次遇見

當我洗緊菜時...

左邊眼角有嘢閃過...

第二次見面

已經要正面交鋒...

就係... 洗完菜... 擰起飯煲準備洗米之際

佢喺我手邊飛彈出嚟...

第三、四次就喺我右邊眼角跣出嚟...

真係次次都嚇得我半死...

今朝...

佢又嚇咗我一大跳...

就係... 我正要做早餐俾Be 時

隻衰嘢飛起出嚟嚇我...

(我無戴眼鏡都見到佢... 真係好驚囉...)

我就嚟俾佢嚇死啦...

佢係邊個??

咪就係 ~ 啊簷生囉!!
(簷蛇 ~ 四腳蛇)

其實我又唔係好怕啊簷生

只要唔掂到佢

我就唔係好驚

只係有啲頂唔順佢成日失驚無神跳出嚟...

呢條簷生真係好得意架

佢出沒地點好近窗邊

但佢係都唔走架喎...

仲有呀!!

佢條尾唔同一般簷蛇咁貼住牆行架...

係半豎起架...

真係好奇怪...

飛出嚟時

條尾仲會擺吓擺吓...

好似油漆廣告嗰條咁架...