上年4月
自殺式轉咗過嚟新工作崗位
上兩星期
公司宣佈花紅分配
A 公司 - 有
B 公司 - 有
C 公司 - 有
D 公司 - 有
E 公司 - 有
F 公司 (我做嗰間) - 無....
接著... XYZ!@#$%^&*()_+
我唔係呢間公司養大
(以前仲係喺鱷魚公司大)
明白幸福唔係必然嘅
而家啲同事
平均喺公司係十年以上
年年有錢分...
所以佢哋完全接受唔到0花紅囉...
*** *** ***
每年四/ 五月
一分到錢
有兩件事會做
1. 送禮物俾爸爸+媽媽
2. 做分享
今年雖然無錢分
仍然有禮物俾媽媽
多得大茶飯同事幫忙
買到對抵食夾大件嘅 ~ 珍珠耳環
戴上耳仔, 真係幾唔錯!!
媽媽勁開心!!
所以...
我一定會返工!!
可以用自己錢買嘢俾自己同家人
(係呀!! 我同超爸財政好獨立架!! 所以講嘢都大聲啲! keke)
*** *** ***
媽媽把風搧唔再轉...
我忍咗好耐唔出聲
但同屋啲人...
可以睇唔到...
聽唔到...
谷鬼氣...
(我早兩年買咗一把新雜O麥牌子返屋企
啲人又識用把新雜O麥牌子同媽媽把舊名牌子對調??
XYZ!@#$%^&*()_+)
忍唔住... ...
買把新風搧俾媽媽
咪睇佢細細部
都好涼爽架!!
*** *** ***
舊呢把雖然唔再轉
留返俾媽媽喺房用
不過好鬼污糟
又係無人見到...
唯有自己動手拆
動手抺
媽媽房部冷氣
污糟到呢...
姐姐唔夠高抺
又係無人見到...
唯有自己動手抺
冷氣搖控唔郁...
Be 早幾個星期已同我講個搖控壊咗...
佢已經換咗電
但唔係好郁
又係無人見啦...
哦... 原來舊電舊到出水...
唔怪之得唔郁...
抺乾水
換新電
好返晒...
到廳部冷氣
又係好污糟...
又係無人見到...
洗完
乾淨晒...
不過...
媽媽唔多欣賞我嘅清潔行動
媽媽話我做咩出錢又出力?
其實... 我都係想你生活好啲...
我真係唔明...
住同一間屋...
當同屋主都可以互相照顧...
又有姐姐
只係幫個忙睇頭睇尾
叫姐姐做
有幾難？？
針無兩頭利
無話又想一齊住攞方便
但有任何家電/物品壞
理都唔理...
唔好一齊住囉!
**** *** ***
講完!!
開工!!!
沒有留言:
張貼留言