自動 mode 溫書

過去兩個幾星期

我感冒再支氣管炎

病到個人溫溫沌沌

頭一轉睇支氣管炎

堅持唔食抗生素

兩日後死咗一半

再睇醫生...

無得揀

焗食抗生素

求醫生開隻輕手啲嘅

因為我唔係好食得抗生素

一食就無咗半條命... 

有手尾跟...

而家感冒、支氣管炎好返

但手尾係... 爛脷... + 成身散晒...

病期間

撞啱 Be 考試 (4/6-9/6)

真... 係... 濕... 濟...

加上之前應承咗做花球

有點吃力...

今次佢真係要自動 mode

我最多只能瞓住覺

教時間制

聲控佢做練習...

*** *** ***

到尋日

佢要繼續溫習常識科

繼續自己做工作紙同串生字

到我要佢當考試咁做卷時

佢話佢已經準備好試卷

原來佢一早寫好咗所有長問題

仲要漏空答案(Ans)位置

 同埋改正 (Correction)位置

上面嗰4幅畫嘅原圖... 

考核完之後

我再睇下佢本練習簿

原來佢都寫咗唔少嘢落簿 

梗係唔少得畫公仔

出年

我應該可以輕鬆啲呱...