有壞人帶走媽咪??!!

最近我返工時間越嚟越遲, 成九點九先返到... 其中一個主因係 ~ ah Be 太滋油... 咩都慢慢嚟, 我又唔可以幇佢做... 要訓練佢嘅自理能力嘛... 所以我每朝都好勞氣...
今朝我哋坐小巴時, 我同佢講如果佢仲係朝朝早慢吞吞就要跟爸爸, 唔可以再跟我出門口.  點知個蠱惑仔眼仔一轉同我講 : 媽咪, 我唔可以跟爸爸架喎... 如果我跟爸爸, 你自己出門口好危險架喎... (好危險??) 係呀, 會有壞人帶走你架... 唔得架!!  我一定要同你一齊走架... (我唯有... 哦...  咗一聲... 都唔知點接落去... )